-SVK-
Sampana Vehivavy Kristiana
“Fa ao aminao no misy ny loharanon'aina,
ny fahazavanao no hahitanay fahazavana"
Jaona 4:14b
Isika Vehivavy Kristiana dia iraka hitory ny Tenin’Andriamanitra sy hampaharitra ny Fiangonana eto Canada Montréal.
Mbola ampitomboana amintsika ny fahasoavana sy fiadanana avy amin’Andriamanitra Ray sy Jesoa Kristy!
​
Manakarem-pahasoavana Andriamanitra nifantina antsika handrafitra ny Sampana Vehivavy Kristianina eto @ FJKM Canada Montréal. Isaorana ihany koa Izy nitahy antsika.
​
Ao anatin’ny andraikitra sahanintsika ny:
- hifampitaiza ary hitaiza ara-panahy ny rahavavy namana, ny zanaka, ankohonana
- Hitsinjo ireo izay mila tanana sy tohana - Hifampizara haitao sy talenta
- Handray anjara @ fampiroboroboana ny Fiangonana
- Haneho firaisan-kina na @ fifaliana na @ fahoriana.
​
Koa manentana sy mitaona antsika vehivaky ato amin'ny FJKM Canada Montréal hanatevin-daharana, hiara-hisalahy amin’ny andraikitra sy adidy napetriky ny Tompo ho sahanintsika!
Andao hifarimbona, hanatanteraka am-pitiavana sy am-pifaliana izany andraikitra sy adidy izany!
Vina sy andraikitra
Araka ny fitsipika fototra ny Sampana Dorkasy FJKM And. 5: “Ny zava-kendren’ny Sampana Dorkasy FJKM dia ny: Mitory sy manambara ny Filazantsaran’i Jesoa Kristy. Manolokolo sy mitaiza ny tanora sy ny ankizy ary ny olon-dehibe amin’ny alalan’ny fampivoarana ny vehivavy amin’ny lafiny rehetra, saina, vatana, fanahy.”
Ny Birao
Presidente:
Joelle Andrianary
Vide-Presidente:
Lila Ratsifandrihamanana
Mpitahiry vola:
Lova Ramboarisata
Mpitantsoratry ny vola:
Vero Ratsifandrihamanana
Mpanolo-tsaina:
Sahondra Raharinosy
Fara Ramiadanarisoa
Mpitantsoratra:
Ony Ramarimbahoaka
Fifandraisana
Fa Kristy Jesoa, loharanon’aina sy fahazavana
Naniraka antsika hizara hafanana
Ho andry mahatoky, hijoro am-pahamarinana
Hanainga herim-po, hivatsy filaminana,
Hanovozan-tsoa sy hanolo-tanana
Ary hitory hatrany ny Teny fiadanana!
Fa Kristy Jesoa no nanambara hoe:
Na aiza alehanao ny Tenin’Andriamanitra
No ento sy zarao, ary aparitao
Mba ho teny fiainan’izao tontolo izao
Torio sy atolory ny mangetaheta zara-fitahiana
Ny miondrika sy ory, mikatsaka isan’andro antom-pifaliana
Ny filazantsara no mendrika hiravahan’i Madagasikara,
Ny fiainana am-panahy no ampiaro koa eto Canada!
​
Lila Hanitra Ratsifandrihamanana
Alexa Young, CA