
Ny Tantaran'ny Fiangonana
FJKM Canada Montréal
"Angony eto amiko ny olona dia ampandrenesiko azy ny teniko"

Tamin'ny Septambra 1996 dia efa afaka nisitraka ny fiaraha-mivavaka sy ny fitoriana ny Tenin’Andriamanitra ny zanaky ny FJKM (Fiangonana Protestanta Malagasy aty Canada) taty Canada. Tao amin’ny FPMC no nanatanterahana izany. Ny FPMC dia naorin’ny fianakaviana Malagasy vitsivitsy, nahitàna an’i José Ralijaona mivady sy Mbelo Rakotomalala mivady ary ny mpitandrina loterana Razafy Razafindrakoto mivady, tany amin’ny antsasaky ny taona 1990 ary nampivondrona ireo Malagasy Kristiana nangetaheta ny hiara-mivavaka tamin’ny teny Malagasy.
Na dia tsy nanana mpitandrina raikitra aza ny fiangonana tany am-piandohana dia niara-niasa tamin’ny Mpitandrina maro avy amin’ny FJKM, Église Présbytérienne, FPMA, FLM, Église Unie du Canada sy Église luthérienne.
Singanina manokana ireto manaraka ireto izay mpitandrina FJKM anisan’ny nitaiza ny mpianakavin’ny finoana tao amin’ny FPMC: ny Mpitandrina Max Randriamora, ny Mpitandrina Lala Rasendrahasina, ny Mpitandrina Charles Rakotonirina, ny Mpitandrina Ramily, ny Mpitandrina Martin Lazandrainy, ny Mpitandrina Brigitte Rabarijaona, ny Mpitandrina Perline Cooper .
Dingana voalohany
Ny volana oktobra 2013 no nanapa-kevitra tamin’ny alalan’ny fifidianana, nialohavan’ny tafa sy dinika, ny zanaky ny FJKM fa hiroso amin’ny fananganana Fitandremana FJKM. Ireo Kristiana havana izay naniry hitazona ny fiaraha-mivavaka tao amin’ny FPMC kosa dia nanohy nanao izany mandrak’ankehitriny.





Fitokanana ny Fitandremana
Ny alahady 25 mey 2014, nandritra ny fotoam-pivavahana notarihan’ny Mpitandrina Perline Cooper, no nambara ampahibemaso fa mijoro ny Fitandremana FJKM Canada Montréal.
Tamin’io fotoana io ihany koa no nanokanana ireo diakona voaofana andiany voalohany teto amin’ny Fitandremana.
Fitohizan'ny asa
Niroborobo ny Asa na ny teo anivon’ny Fitandremana na izay niaraha-nanatanteraka teo amin’ny “telo trano”, izany hoe niarahana tamin’ny FJKM Québec sy FJKM Ottawa.
Nitombo ny isan’ny sampana sy ny rantsana teto amin’ny Fitandremana. Nanampy ny Sampana Sekoly Alahady sy ny antoko mpihira Antsa Fitoriana, izay efa nisy taona maro nialohan’ny nijoroan’ny Fitandremana, dia teraka ny Sampana Tanora Kristiana (STK), ny Sampana Lehilahy Kristiana (SLK), ny Sampana Fifohazana (SAFIF) ary ny Sampana Vehivavy Kristiana (SVK).
Ireto manaraka ireto no mpitandrina FJKM nitaiza ny mpianakavin’ny finoana sy niarahan’ny Fitandremana niasa: ny Mpitandrina Perline Cooper, ny Mpitandrina Hasina Andriambalohery, ny Mpitandrina Ndrianja Rakotondrabe, ny Mpitandrina Velotiana Rabefirenena, ny Mpitandrina Edmond Razafimanantsoa, ny Mpitandrina Arlette Razafimanantsoa, ny Mpitandrina Emmanuel D. Tehindrazanarivelo ary ny Mpitandrina Rina Andriamihaja A.
![]() |
---|
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |



